Հարցի քննարկման համար հիմք է հանդիսացել քաղաքացիներ Հակոբ Վալերիկի Չոբանյանի (ծնված՝ 1983 թվականի հունվարի 1-ին), Վահե Վալերիկի  Չոբանյանի (ծնված՝ 1981 թվականի փետրվարի 12-ին), Վալերիկ Խորենի  Չոբանյանի (ծնված՝ 1954 թվականի օգոստոսի 28-ին), Անահիտ Անդրանիկի Զուռնաչյանը (ծնված՝ 1958 թվականի մայիսի 10-ին) Ջրվեժի համայնքապետարանին հասցեագրված 2021 թվականի մարտի 3-ի դիմումը, որով ցանկություն են հայտնել օրինականացնել ընդհանուր համատեղ սեփականության իրավունքով իրենց պատկանող Ջրվեժ համայնքի Ջրվեժ գյուղի 19-րդ փողոցի թիվ 20 հասցեի տնամերձ հողամասում ինքնակամ կառուցված շինությունը, ինչպես նաև գույքը բաժանելու երկու առանձին մասերի (հիմք՝ անշարժ գույքի նկատմամբ իրավունքների պետական գրանցման վկայական N 19052016-07-0049, տրված 2016 թվականի մայիսի 19-ին, «ԳԵՈԿԱԴ 55» ՍՊԸ–ի կողմից 2021 թվականի փետրվարի 23-ին կազմված և սահմանված կարգով հաստատված հատակագիծը):

Համաձայն համայնքի կադաստրային քարտեզի և «ԳԵՈԿԱԴ 55» ՍՊԸ–ի կողմից կազմված և սահմանված կարգով հաստատված հատակագծի պարզվել է, որ Հակոբ Վալերիկի Չոբանյանին, Վահե Վալերիկի  Չոբանյանին, Վալերիկ Խորենի  Չոբանյանին, Անահիտ Անդրանիկի Զուռնաչյանին ընդհանուր համատեղ սեփականության իրավունքով պատկանող Ջրվեժ համայնքի Ջրվեժ գյուղի 19-րդ փողոցի թիվ 20 հասցեի տնամերձ հողամասում 2017 թվականին ինքնակամ կառուցել է շինություն՝ շոգեբաղնիք, 22,34 քառ.մետր արտաքին մակերեսով:

Ղեկավարվելով Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 48 և 51-րդ կետերի, 2006 թվականի մայիսի 18-ի N 912-Ն որոշման 4-րդ կետի, նույն որոշմամբ հաստատված կարգի 10, 11, 13-րդ կետերի պահանջներով և հաշվի առնելով այն, որ Հակոբ Վալերիկի Չոբանյանին, Վահե Վալերիկի  Չոբանյանին, Վալերիկ Խորենի  Չոբանյանին, Անահիտ Անդրանիկի Զուռնաչյանին ընդհանուր համատեղ սեփականության իրավունքով պատկանող Ջրվեժ համայնքի Ջրվեժ գյուղի 19-րդ փողոցի թիվ 20–րդ հասցեի տնամերձ հողակտորում ինքնակամ կառուցված շինության պահպանումը չի խախտում այլ անձանց իրավունքները և օրենքով պահպանվող շահերը, շինությունը կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ.

1. Հակոբ Վալերիկի Չոբանյանին, Վահե Վալերիկի  Չոբանյանին, Վալերիկ Խորենի  Չոբանյանին, Անահիտ Անդրանիկի Զուռնաչյանին սեփականության իրավունքով պատկանող Ջրվեժ համայնքի Ջրվեժ գյուղի  19-րդ փողոցի թիվ 20–րդ հասցեի տնամերձ հողամասում ինքնակամ կառուցված շոգեբաղնիքը՝ 22,34 քառ.մետր արտաքին մակերեսով, համարել օրինական:

2.Ջրվեժ համայնքի Ջրվեժ գյուղի 19-րդ փողոց թաղամասի թիվ 20 հասցեից բաժանված S1=500,0 քառ.մետր մակերեսով գույքին տրամադրել հասցե` համայնք Ջրվեժ, գյուղ Ջրվեժ, 19-րդ փողոց, թիվ 20, S2=988,0  քառ.մետր մակերեսով գույքին տրամադրել հասցե` համայնք Ջրվեժ, գյուղ Ջրվեժ, 19-րդ փողոց, թիվ 20/1:

3.Սահմանել, որ հողամասի սեփականատերերը.

1)սույն որոշման ընդունման օրվանից 60-օրյա ժամկետում Ջրվեժ համայնքի բյուջեի N 900105228218 հաշվին պետք է վճարեն Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաշվարկված 42 974 (քառասուներկու հազար ինը հարյուր յոթանասունչորս) Հայաստանի Հանրապետության դրամ օրինականացման վճարը.

2)իրենց միջոցների հաշվին պետք է վճարեն կառույցի գույքային իրավունքների պետական գրանցման հետ կապված վճարներն ու տուրքերը։

4.Սահմանել, որ սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում, նշված ինքնակամ կառույցը ենթակա չէ պետական գրանցման, իսկ սույն որոշումը համարվում է ուժը կորցրած։

5.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Հուսիկ Գրիգորյանի վրա:

6.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։

7.Սույն որոշումն ուժի մեջ է մտնում՝ Հակոբ Վալերիկի Չոբանյանին, Վահե Վալերիկի  Չոբանյանին, Վալերիկ Խորենի  Չոբանյանին, Անահիտ Անդրանիկի Զուռնաչյանին որոշման ընդունման մասին իրազեկելու օրվան հաջորդող օրվանից: