Ղեկավարվելով «Տեղական ինքնակառավարման մասին» օրենքի 42-րդ հոդվածի առաջին մասի 12-րդ և 45-րդ հոդվածի առաջին մասի 4-րդ, 5-րդ կետերի պահանջներով, որոշում եմ.
1.Թույլատրել անհատ ձեռնարկատեր Սիրանուշ Միշայի Աբգարյանին՝ մինչև 2019 թվականի դեկտեմբերի 31-ը Ջրվեժ համայնքի Ջրվեժ գյուղի 21-րդ փողոցի թիվ 15 հասցեում զբաղվելու հանրային սննդի կազմակերպմամբ և իրացմամբ և որպես հանրային սննդի օբյեկտ տալ ժամը 24։00-ից հետո աշխատելու թույլտվություն, ինչպես նաև թույլատրել Ջրվեժ համայնքի Ջրվեժ գյուղի 21-րդ փողոցի թիվ 15 հասցեի հողամասին հարակից տարածքում տեղադրելու արտաքին գովազդ։
2.Հանձնարարել ֆինանսատնտեսագիտական, եկամուտների հաշվառման և հավաքագրման, ծրագրերի կազմման և համակարգման բաժնին` հաստատված թույլտվությունները հայտատուին տրամադրել տեղական տուրքի վճարումը կատարելուց հետո` 3-օրյա ժամկետում:
3.Սույն որոշումն ուժի մեջ է մտնում՝ Սիրանուշ Միշայի Աբգարյանին որոշման ընդունման մասին իրազեկելու օրվան հաջորդող օրվանից: