Ղեկավարվելով «Տեղական ինքնակառավարման մասին» օրենքի 48-րդ հոդվածի պահանջներով, հիմք ընդունելով համայնքի ավագանու 2019 թվականի հունվարի 15-ի թիվ 4-Ն որոշմամբ հաստատված չափորոշիչները, Ջրվեժ համայնքի սոցիալական խնդիրների ուսումնասիրման հանձնաժողովի եզրակացությունը Ջրվեժ համայնքի Ջրվեժ գյուղի 13-րդ փողոցի թիվ 26 տան բնակիչ Իսկուհի Սերժիկի Խաչատրյանի ընտանիքի վերաբերյալ, այն է՝ ընտանիքը ներկայումս բաղկացած է 6 անձից, ինքը և ամուսինը՝ Ռազմիկ Հակոբի Հակոբյանը ներկայումս չեն աշխատում, 2-րդ կարգի հաշմանդամության թոշակառուներ են, ունեն առողջական խնդիրներ, գտնվում են երկարատև բուժման մեջ, Իսկուհի Խաչատրյանը վերջերս տարել է ողնաշարի վիրահատություն և քիմիոթերապիայի անհրաժեշտություն կա, որդին՝ Գուրգեն Հակոբյանը և հարսը՝ Լիլիթ Համբարյանը նույնպես չեն աշխատում, նրանց խնամքի տակ են երկու անչափահաս երեխաները՝ Արմինե և Ռազմիկ Հակոբյանները, ծնված 2012 և 2014 թվականներին և ընտանիքի ֆինանսական և սոցիալական վիճակից ելնելով Իսկուհի Խաչատրյանը դիմել է համայնքապետարան՝ ֆինանսական օգնություն ստանալու խնդրանքով, որոշում եմ.
1.Հանձնարարել ֆինանսատնտեսագիտական, եկամուտների հաշվառման և հավաքագրման, ծրագրերի կազմման և համակարգման բաժնի պետ Անահիտ Մարգարյանին՝ բյուջեի համապատասխան հոդվածից Իսկուհի Սերժիկի Խաչատրյանի ընտանիքին ցույց տալ դրամական օգնություն՝ 30 000 (երեսուն հազար) դրամ գումարի չափով:
2.Սույն որոշումն ուժի մեջ է մտնում՝ Իսկուհի Սերժիկի Խաչատրյանի ընտանիքին որոշման ընդունման մասին իրազեկելու օրվան հաջորդող օրվանից: