Զեկ. ՆՈՐԱՅՐ ՍԱՆԹՐՈՍՅԱՆ

Ղեկավարվելով «Տեղական ինքնակառավարման մասին» օրենքի 13-րդ հոդվածի 10-րդ մասի, Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի 2010 թվականի հունիսի 1-ի թիվ 186-Ն հրամանի պահանջներով, հիմք ընդունելով անհատ ձեռնարկատեր Վալերիկ Գալստյանի կողմից 2019 թվականի հուլիսի 17-ին, «ԳԵՈԿԱԴ 55» ՍՊԸ-ի կողմից 2019 թվականի հունիսի 26-ին և օգոստոսի 23-ին կազմված և սահմանված կարգով հաստատված հատակագծերը և հաշվի առնելով այն, որ Ջրվեժ համայնքի Ջրվեժ գյուղի 07-057-0345-0047 կադաստրային համարի 458,9 քառ.մետր մակերեսով գյուղատնտեսական նշանակության այգու, Ջրվեժ համայնքի Ձորաղբյուր Այգեգործական զանգվածի թիվ 7 հասցեի հողակտորի հարևանությամբ գտնվող 442,8  քառ.մետր մակերեսով բնակավայրի բնակելի կառուցապատման հողակտորի, Ջրվեժ համայնքի Ջրվեժ գյուղի 19-րդ փողոցի թիվ 42 հասցեի հարևանությամբ գտնվող 07-057-0142-0019 կադաստրային համարի 241,16 քառ.մետր մակերեսով բնակավայրի խառը կառուցապատման հողամասի նկատմամբ գոյություն չունի որևէ իրավունք հաստատող փաստաթուղթ, համայնքի ավագանին որոշում է.

1.Ճանաչել համայնքային սեփականության իրավունքը Ջրվեժ համայնքի՝

1)Ջրվեժ գյուղի 07-057-0345-0047 կադաստրային համարի 458,9 քառ.մետր մակերեսով գյուղատնտեսական նշանակության այգու նկատմամբ:

2)Ձորաղբյուր Այգեգործական զանգվածի թիվ 7 հասցեի հողակտորի հարևանությամբ գտնվող 442,8  քառ.մետր մակերեսով բնակավայրի բնակելի կառուցապատման հողակտորի նկատմամբ:

3)Ջրվեժ գյուղի 19-րդ փողոցի թիվ 42 հասցեի հարևանությամբ գտնվող 07-057-0142-0019 կադաստրային համարի 241,16 քառ.մետր մակերեսով բնակավայրի խառը կառուցապատման հողամասի նկատմամբ:

2.Առաջարկել համայնքի ղեկավարին՝ օրենքով սահմանված կարգով կատարելու վերը նշված հողամասերի նկատմամբ համայնքային սեփականության իրավունքի պետական գրանցում: