Քննարկվեց՝
1.Ջրվեժ համայնքի, Ջրվեժ գյուղի 42-րդ փողոցի բնակիչների դիմումը՝ կապված հարևանությամբ գործող «ՎՐՈ» ՍՊԸ-ին պատկանող «Դիվա» գիշերային ակումբի գործունեության հետ:
Բնակիչների բարձրացրած պահանջներն էին.
ա) Սկսած ժամը 22:00-ից «Դիվա» գիշերային ակումբում թուլացնել երաժշտության ձայնը.
բ) «Դիվա» գիշերային ակումբում ծառայություն իրականացնող ոստիկաններին արգելել գիշերը մեքենաների հատուկ ձայնային ազդանշանների օգտագործումը.
գ) «Դիվա» գիշերային ակումբի մեքենաների կայանման վայրում հատուկ հսկողություն սահմանել և հնարավորինս սահմանափակել հաճախորդների բարձր ձայնով խոսակցությունները.
Քննարկման արդյունքում.
«ՎՐՈ» ՍՊԸ-ի տնօրեն Վարազդատ Միհրանյանը պարտավորվեց կարճ ժամանակում կատարել բնակիչների պահանջները, ինչպես նաև իր ակումբի հարակից տարածքներում ամրացնել լռություն պահպանելու վերաբերյալ նախազգուշացնող տեսանելի վահանակներ:
2.42-րդ փողոցի ասֆալտապատման և արտաքին լուսավորության հարցը՝
Համայնքի ղեկավար Ռոբերտ Պետրոսյանը նշեց, որ բյուջեի հնարավորության սահմաններում կանդրադառնան նշված խնդիրների լուծմանը: |