Բովանդակություն * | Հանդիպմանը մասնակցում էին նաև Ջրվեժ համայնքի երեք գյուղերի անասունների խոշոր գլխաքանակ ունեցող անասնատերեր և անասնաբույժներ:
Քննարկման ընթացքում բնակիչներին հուզում էր այն հարցը, թե համայնքում անասնաբուժական ծառայություններն ում կողմից պետք է իրականացվեն և Ձորաղբյուր գյուղի թվով 240 խոշոր անասնագլխաքանակ ունեցող 8 ընտանիքներ հրաժարվեցին, որպեսզի իրենց անասնագլխաքանակն սպասարկվի բնակավայրում պետական միջոցառումներ իրականացնող անասնաբույժ Վրեժիկ Խոցանյանի կողմից և ցանկացան ուրիշ անասնաբույժի կողմից սպասարկում: Միաժամանակ համայնքի ղեկավարը ներկայացրեց «Տեղական տուրքերի և վճարների մասին» օրենքի 10–րդ հոդվածի 1–ին մասի 19–րդ կետի պահանջը՝ համայնքի ավագանու կողմից «համայնքն սպասարկող անասնաբույժի ծառայություններից օգտվելու տեղական վճարի դրույքաչափ՝ փոխհատուցման գումարի չափով» սահմանելու առաջարկների մասին, նշելով, որ այն դեռևս չի սահմանվել՝ գանձումների կազմակերպման առանձնահատկություններից ելնելով: Հանդիպման ընթացքում քննարկվեցին անասնաբուժական ծառայություններին վերաբերող բազմաթիվ խնդիրներ՝ անասնաբուժական ծառայությունները համայնքում իրականացնելու, մատուցված ծառայությունների վճարները գանձելու, համայնքի բյուջե մուտքագրելու կարգը սահմանելու վերաբերյալ:
Անասնատերերին հուզող հարցերի վերաբերյալ պարզաբանումներ ներկայացվեցին համայնքի ղեկավար Ռոբերտ Պետրոսյանի, ինչպես նաև Հովհաննես Մկրտչյանի, Դավիթ Ղազարյանի և մյուսների կողմից: |