Հարցի քննարկման համար հիմք է հանդիսացել քաղաքացի Վահե Միհրանի Գուտներյանի (ծնված՝ 1974 թվականի դեկտեմբերի 13-ին) կողմից Ջրվեժի համայնքապետարանին հասցեագրված դիմումը՝ Ջրվեժ համայնքի Ձորաղբյուր գյուղի Լուսավորության փողոցի 3-րդ նրբանցքի թիվ 13/3 հասցեում գտնվող համայնքային սեփականություն հանդիսացող բնակավայրի բնակելի կառուցապատման 606,5 քառ.մետր մակերեսով հողամասը և հողամասում իր կողմից ինքնակամ կառուցված և համայնքային սեփականության իրավունքը ճանաչված բնակելի տունը՝ ընդամենը 36,6 քառ.մետր, օժանդակ շինությունը՝ 4,5 քառ.մետր և պարիսպը՝ 4,9 քառ.մետր արտաքին մակերեսներով իրեն օտարելու մասին (հիմք՝ անշարժ գույքի նկատմամբ իրավունքների պետական գրանցման վկայական N 13052022-07-0105, տրված 2022 թվականի մայիսի 13-ին և անհատ ձեռնարկատեր Արման Ավետիսյանի կողմից 2022 թվականի մայիսի 2-ին կազմված և սահմանված կարգով հաստատված հատակագիծը): 

Ղեկավարվելով Հայաստանի Հանրապետության Կառավարության 2006 թվականի մայիսի 18-ի N 912-Ն որոշման 4-րդ կետի, նույն որոշմամբ հաստատված կարգի 34.2 և 35-րդ կետերով և հիմք ընդունելով Ջրվեժ համայնքի ավագանու 2019 թվականի մարտի 15-ի թիվ 12-Ա որոշումը, որոշում եմ.

1.Համայնքային սեփականություն հանդիսացող Ջրվեժ համայնքի Ձորաղբյուր գյուղի Լուսավորության փողոցի 3-րդ նրբանցքի թիվ 13/3 հասցեում գտնվող համայնքային սեփականություն հանդիսացող բնակավայրի բնակելի կառուցապատման 606,5 քառ.մետր մակերեսով հողամասը և հողամասում իր կողմից ինքնակամ կառուցված և համայնքային սեփականության իրավունքը ճանաչված բնակելի տունը՝ ընդամենը 36,6 քառ.մետր, օժանդակ շինությունը՝ 4,5 քառ.մետր և պարիսպը՝ 4,9 քառ.մետր արտաքին մակերեսներով ուղղակի վաճառքի կարգով նախապատվության իրավունքով օտարել կառույցն իրականացրած անձին՝ Վահե Միհրանի Գուտներյանին:

2.Պարտավորեցնել Վահե Միհրանի Գուտներյանին մուծելու հողամասի կադաստրային արժեքը, որը կազմում է 4 145 003 (չորս միլիոն մեկ հարյուր քառասունհինգ հազար երեք) Հայաստանի Հանրապետության դրամ, շինությունների վաճառքի արժեքը՝ 297 838 (երկու հարյուր իննսունյոթ հազար ութ հարյուր երեսունութ) Հայաստանի Հանրապետության դրամ:

3.Հանձնարարել համայնքի ղեկավարի տեղակալ Նորայր Սանթրոսյանին՝ ինքնակամ կառույցն իրականացրած անձի կողմից սույն որոշման 2-րդ կետում նշված գումարների վճարումից հետո 10-օրյա ժամկետում գնորդի հետ կնքելու անշարժ գույքի օտարման պայմանագիր: 

4.Ընդունել ի գիտություն, որ գույքի օտարման պայմանագիրը ենթակա է նոտարական վավերացման, իսկ դրանից ծագող իրավունքները պետական գրանցման` անշարժ գույքի գրանցման միասնական ստորաբաժանումում:

5.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Վահե Սիրականյանի վրա:

6.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը:

7.Սույն որոշումն ուժի մեջ է մտնում՝ Վահե Միհրանի Գուտներյանին որոշման ընդունման մասին իրազեկելու օրվան հաջորդող օրվանից: