Հարցի քննարկման համար հիմք է հանդիսացել քաղաքացի Արտաշես Հմայակի Բաղրամյանի (ծնված 1968 թվականի նոյեմբերի 29-ին) կողմից 2021 թվականի հունվարի 25-ին Ջրվեժի համայնքապետարանին հասցեագրված դիմումը՝ սեփականության իրավունքով իրեն պատկանող Ջրվեժ համայնքի Ջրվեժ գյուղի 1-ին փողոցի թիվ 1/3 հասցեում գտնվող 19,89 քառ.մետր մակերեսով ավտոտնակի պահպանման և սպասարկման համար առանձնացված համայնքային սեփականություն հանդիսացող բնակավայրերի բնակելի կառուցապատման 19,89 քառ.մետր մակերեսով հողակտորն իրեն տրամադրելու մասին (հիմք՝ անշարժ գույքի նկատմամբ իրավունքների պետական գրանցման N 14042014-07-0103 վկայական, տրված 2014 թվականի ապրիլի 14-ին):
Ղեկավարվելով Հողային օրենսգրքի 66-րդ հոդվածի 1-ին մասի 3-րդ կետի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Հայաստանի Հանրապետության Կառավարության 2006 թվականի մայիսի 18-ի N 912-Ն որոշմամբ հաստատված կարգի 34.2 և 35-րդ կետերի պահանջներով և հիմք ընդունելով «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 3-րդ հոդվածի 3-րդ մասը և Հայաստանի Հանրապետության կառավարության 2020 թվականի հունիսի 4-ի թիվ 1023-Ն որոշման պահանջները և հաշվի առնելով այն հանգամանքը, որ Ջրվեժ համայնքի Ջրվեժ գյուղի 1-ին փողոցի թիվ 1/3 հասցեի ավտոտնակի զբաղեցրած համայնքային սեփականություն հանդիսացող հողամասը ընդգրկված չէ Հողային օրենսգրքի 60-րդ հոդվածով նախատեսված հողամասերի ցանկում, որոշում եմ.
1.Քաղաքացի Արտաշես Հմայակի Բաղրամյանին սեփականության իրավունքով պատկանող Ջրվեժ համայնքի Ջրվեժ գյուղի 1-ին փողոցի թիվ 1/3 հասցեում գտնվող 19,89 քառ.մետր մակերեսով ավտոտնակի պահպանման և սպասարկման համար առանձնացված համայնքային սեփականություն հանդիսացող բնակավայրերի բնակելի կառուցապատման 19,89 քառ.մետր մակերեսով հողակտորը ուղղակի վաճառքի ձևով օտարել Արտաշես Հմայակի Բաղրամյանին:
2.Պարտավորեցնել Արտաշես Հմայակի Բաղրամյանին մուծելու հողամասի կադաստրային արժեքը, որը կազմում է 209 120 (երկու հարյուր ինը հազար մեկ հարյուր քսան) Հայաստանի Հանրապետության դրամ:
3.Հանձնարարել համայնքի ղեկավարի տեղակալ Նորայր Սանթրոսյանին՝ Արտաշես Հմայակի Բաղրամյանի կողմից սույն որոշման 2-րդ կետում նշված գումարի վճարումից հետո 10-օրյա ժամկետում գնորդի հետ կնքելու անշարժ գույքի օտարման պայմանագիր:
4.Ընդունել ի գիտություն, որ գույքի օտարման պայմանագիրը ենթակա է նոտարական վավերացման, իսկ դրանից ծագող իրավունքները պետական գրանցման` անշարժ գույքի գրանցման միասնական ստորաբաժանումում:
5.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Հուսիկ Գրիգորյանի վրա:
6.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը:
7.Սույն որոշումն ուժի մեջ է մտնում՝ Արտաշես Հմայակի Բաղրամյանին որոշման ընթացքի մասին իրազեկելու օրվան հաջորդող օրվանից: