Ղեկավարվելով «Նորմատիվ իրավական ակտերի մասին» օրենքի 1-ին հոդվածի 2-րդ, 34-րդ հոդվածի 1-ին և 37-րդ հոդվածի 1-ին մասերով և հաշվի առնելով Հայաստանի Հանրապետության Կադաստրի կոմիտեի 2022 թվականի մայիսի 4-ի «Գույքի նկատմամբ իրավունքի (սահմանափակման) պետական գրանցման վարույթը կասեցնելու մասին» թիվ Կ-04052022-07-0005 որոշումը և «Մելկար» ՍՊԸ-ի կողմից 2022 թվականի մայիսի 5-ին տրված եզրակացությունը, որոշում եմ.

1.Համայնքի ղեկավարի 2022 թվականի հունվարի 17-ի «Ինքնակամ կառուցված շինությունների օրինականացման մասին» թիվ 35-Ա որոշման մեջ կատարել հետևյալ լրացումը.

1) որոշման նախաբանի 1-ին պարբերությունում «հատակագիծը» բառից հետո լրացնել «ինքնակամ կառույցը Կադաստրի կոմիտեում հաշվառած լինելու փաստը հավաստող ծածկագիր՝ 20224AKCTQ, մուտքագրված 2022 թվականի մայիսի 6-ին):» բառերով:

2) որոշման նախաբանի 2-րդ պարբերությունում «մակերեսներով» բառից հետո լրացնել «(հիմք՝ Կադաստրի կոմիտեում հաշվառման ծածկագիր՝ 20224AKCTQ):» բառերով:

2.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։

3.Սույն որոշումն ուժի մեջ մընելուց հետո ուժը կորցրած ճանաչել համայնքի ղեկավարի 2022 թվականի ապրիլի 25-ի «Համայնքի ղեկավարի 2022 թվականի հունվարի 17-ի թիվ 35-Ա որոշման մեջ լրացում կատարելու մասին» թիվ 409-Ա որոշումը: