ՆԱԽԱԳԻԾ

Հարցի քննարկման համար հիմք է հանդիսացել Հովհաննես Արմենի Պլուզյանի (ծնված՝ 1989 թվականի մարտի 1-ին) Ջրվեժի համայնքապետարանին հասցեագրված 2021 թվականի մարտի 2-ի դիմումը, որով ցանկություն է հայտնել օրինականացնել սեփականության իրավունքով իրեն պատկանող Ջրվեժ համայնքի Ջրվեժ գյուղի 44-րդ փողոցի թիվ 47 հասցեի տնամերձ հողամասում ինքնակամ կառուցված շինությունները (հիմք՝ անշարժ գույքի սեփականության (օգտագործման) իրավունքի գրանցման թիվ 2534051 վկայականը, տրված 2007 թվականի դեկտեմբերի 17-ին, «ԳԵՈՏՈՊ» ՍՊԸ–ի կողմից 2020 թվականի դեկտեմբերի 11-ին կազմված և սահմանված կարգով հաստատված հատակագիծը):

Համաձայն համայնքի կադաստրային քարտեզի և «ԳԵՈՏՈՊ» ՍՊԸ–ի կողմից կազմված և սահմանված կարգով հաստատված հատակագծի պարզվել է, որ Հովհաննես Արմենի Պլուզյանին սեփականության իրավունքով պատկանող Ջրվեժ համայնքի Ջրվեժ գյուղի 44-րդ փողոցի թիվ 47 հասցեի տնամերձ հողամասում 2021 թվականին ինքնակամ կառուցվել է թիվ 2 զրուցարանը՝ 32,67 քառ․մետր, թիվ 3 հարթակ–աստիճանը՝ 2,2 քառ․մետր, թիվ 4 պարիսպը՝ 12,88 քառ․մետր  արտաքին մակերեսներով։

Ղեկավարվելով Հայաստանի Հանրապետության կառավարության 2006 թվականի մայիսի 18-ի N 912-Ն որոշման 4-րդ կետի, նույն որոշմամբ հաստատված կարգի 10, 11, 13-րդ կետերի պահանջներով և հաշվի առնելով այն, որ Հովհաննես Արմենի Պլուզյանին սեփականության իրավունքով պատկանող Ջրվեժ համայնքի Ջրվեժ գյուղի 44-րդ փողոցի թիվ 47 հասցեի տնամերձ հողամասում ինքնակամ կառուցված շինությունների պահպանումը չի խախտում այլ անձանց իրավունքները և օրենքով պահպանվող շահերը, շինությունները կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ.

1.Հովհաննես Արմենի Պլուզյանին սեփականության իրավունքով պատկանող Ջրվեժ համայնքի Ջրվեժ գյուղի 44-րդ փողոցի թիվ 47 հասցեի տնամերձ հողամասում ինքնակամ կառուցված թիվ 2 զրուցարանը՝ 32,67 քառ․մետր, թիվ 3 հարթակ–աստիճանը՝ 2,2 քառ․մետր, թիվ 4 պարիսպը՝ 12,88 քառ․մետր արտաքին մակերեսներով, համարել օրինական:

2.Սահմանել, որ հողամասի սեփականատերը.

1)սույն որոշման ընդունման օրվանից 60-օրյա ժամկետում Ջրվեժ համայնքի բյուջեի N 900105228218 հաշվին պետք է վճարի Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաշվարկված 91 852 (իննսունմեկ հազար ութ հարյուր հիսուներկու) Հայաստանի Հանրապետության դրամ օրինականացման վճարը.

2)իր միջոցների հաշվին պետք է վճարի կառույցի գույքային իրավունքների պետական գրանցման հետ կապված վճարներն ու տուրքերը։

3.Սահմանել, որ սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում նշված ինքնակամ կառույցը ենթակա չէ պետական գրանցման, իսկ սույն որոշումը համարվում է ուժը կորցրած։

4.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Հուսիկ Գրիգորյանի վրա:

5.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։

6.Սույն որոշումն ուժի մեջ է մտնում՝ Հովհաննես Արմենի Պլուզյանին որոշման ընդունման մասին իրազեկելու օրվան հաջորդող օրվանից: