Ղեկավարվելով Հողային օրենսգրքի 68-րդ և 69-րդ հոդվածների պահանջներով և հաշվի առնելով այն, որ 2020 թվականի հունվարի 16-ին Ջրվեժի համայնքապետարանում կայացած համայնքային սեփականություն հանդիսացող հողամասերի աճուրդում հաղթած, երկրորդ առավելագույն գին առաջարկած անձը սահմանված ժամկետում ամբողջությամբ չի մուծել սակարկությունների արդյունքում ձևավորված գինը, որոշում եմ.
1. 2020 թվականի հունվարի 16-ին աճուրդի ներկայացված Ջրվեժ համայնքի Ձորաղբյուր գյուղում գտնվող գյուղատնտեսական նշանակության 07-042-0406-0017 կադաստրային համարի հողակտորի երկրորդ աճուրդը համարել չկայացած՝ սակարկությունների արդյունքում ձևավորված երկրորդ առավելագույն գինը սահմանված ժամկետում ամբողջությամբ չմուծելու պատճառով:
2.Սույն որոշման 1-ին կետում նշված, աճուրդում չվաճառված հողակտորի երկրորդ աճուրդային վաճառքը կազմակերպել 2020 թվականի փետրվարի 18-ին և հաստատել հրապարակային ծանուցման տեքստը` համաձայն հավելվածի:
3.Հանձնարարել Ջրվեժի համայնքապետարանի աշխատակազմի քարտուղար Սուսաննա Թադևոսյանին՝ ոչ ուշ 2020 թվականի փետրվարի 11-ից, ապահովել սույն որոշմամբ հաստատված երկրորդ աճուրդով օտարման ենթակա հողամասի հրապարակային ծանուցման հրապարակումը «Հայաստանի Հանրապետություն» օրաթերթում, www.azdarar.am հասցեում գտնվող Հայաստանի Հանրապետության հրապարակային ծանուցումների պաշտոնական ինտերնետային կայքում և սահմանված կարգով ապահովել աճուրդի անցկացումն ու արդյունքների ամփոփումը:
4.Աճուրդի վարման համար աճուրդավար նշանակել համայնքի ղեկավարի տեղակալ Նորայր Սանթրոսյանին:
5.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։
6.Սույն որոշումն ուժի մեջ է մտնում ստորագրման օրվանից: