Ղեկավարվելով Հայաստանի Հանրապետության Քաղաքացիական օրենսգրքի 188-րդ հոդվածի 2-րդ և 5-րդ մասերով, Հայաստանի Հանրապետության կառավարության 2006 թվականի մայիսի 18-ի N 731-Ն որոշմամբ հաստատված կարգի 2-րդ կետով և N 912-Ն որոշմամբ հաստատված կարգի 33, 34-րդ կետերով, 2005 թվականի դեկտեմբերի 29-ի N 2387-Ն որոշմամբ հաստատված կարգի 30 և 48-րդ կետերով, հիմք ընդունելով Ջրվեժ համայնքի ավագանու 2020 թվականի հուլիսի 10-ի թիվ 39-Ա որոշումը և հաշվի առնելով այն, որ քաղաքացի Թաթուլ Արտավազդի Մնացականյանի կողմից Ջրվեժ համայնքի Ջրվեժ գյուղի 16-րդ փողոցի 1-ին փակուղու թիվ 2 հասցեի հողակտորի հարևանությամբ, համայնքային սեփականություն հանդիսացող 575,8 քառ.մետր մակերեսով բնակավայրի խառը կառուցապատման հողակտորում ինքնակամ կառուցված շինությունների՝ թիվ 1 ճաշասենյակի 25,24 քառ.մետր, թիվ 2 ծածկարանի 14,79 քառ.մետր, թիվ 3 ծածկարանի 17,09 քառ.մետր, թիվ 4 ծածկարանի 9,87 քառ.մետր և թիվ 5 պարսպի 10,77 քառ.մետր արտաքին մակերեսներով պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, նկատի ունենալով, որ ինքնակամ շինությունները կառուցված չեն Հողային օրենսգրքի 60-րդ հոդվածով նախատեսված հողամասերի վրա, ինժեներատրանսպորտային օբյեկտների օտարման ու անվտանգության գոտիներում և քաղաքաշինական նորմերի ու կանոնների էական խախտումներով, չեն առաջացնում հարկադիր սերվիտուտ պահանջելու իրավունք, որոշում եմ.
1.Ջրվեժ համայնքի Ջրվեժ գյուղի 16-րդ փողոցի 1-ին փոկուղու թիվ 2 հասցեի հողակտորի հարևանությամբ գտնվող 575,8 քառ.մետր մակերեսով համայնքային սեփականություն հանդիսացող բնակավայրի խառը կառուցապատման հողակտորին տրամադրել հասցե՝ համայնք Ջրվեժ, գյուղ Ջրվեժ, 16-րդ փողոց, 1-ին փակուղի, թիվ 2/1:
2.Ջրվեժ համայնքի Ջրվեժ գյուղի 16-րդ փողոցի 1-ին փակուղու թիվ 2/1 հասցեի համայնքային սեփականություն հանդիսացող 575,8 քառ.մետր մակերեսով բնակավայրի խառը կառուցապատման հողակտորում ինքնակամ կառուցված շինությունները՝ թիվ 1 ճաշասենյակը՝ 25,24 քառ.մետր, թիվ 2 ծածկարանը՝ 14,79 քառ.մետր, թիվ 3 ծածկարանը՝ 17,09 քառ.մետր, թիվ 4 ծածկարանը՝ 9,87 քառ.մետր և թիվ 5 պարսպը՝ 10,77 քառ.մետր արտաքին մակերեսներով, համարել օրինական և ճանաչել համայնքային սեփականության իրավունքը (կցվում են հողամասի և շինությունների հատակագծերը):
3.Դիմել Հայաստանի Հանրապետության անշարժ գույքի գրանցման միասնական ստորաբաժանում` Ջրվեժ համայնքի Ջրվեժ գյուղի 16-րդ փողոցի 1-ին փակուղու թիվ 2/1 հասցեում գտնվող գույքի նկատմամբ համայնքային սեփականության իրավունքի պետական գրանցում կատարելու համար:
4.Կառույցի նկատմամբ իրավունքների պետական գրանցումից հետո 15 աշխատանքային օրվա ընթացքում կառույցը ձեռք բերելու նպատակով գրավոր առաջարկություն ներկայացնել կառույցն իրականացրած անձին՝ Թաթուլ Արտավազդի Մնացականյանին:
5.Որոշման կատարման հսկողությունը դնել համայնքի ղեկավարի տեղակալ Նորայր Սանթրոսյանի վրա:
6.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։