Ջրվեժ համայնքի սիրելի ազգաբնակչություն.
Հայաստանի Հանրապետության ամբողջ տարածքում 2020 թվականի մարտի 24-ի ժամը 23:59-ից մինչև 2020 թվականի մարտի 31-ին ժամը 23:59-ը ներառյալ սահմանափակվել է մարդկանց ազատ տեղաշարժվելու իրավունքը և սահմանվել է անձանց պարտադիր ինքնամեկուսացում իրենց մշտական բնակության կամ իրենց նախընտրությամբ մեկ այլ վայրում՝ այլ անձանց հետ անմիջական շփումը սահմանափակելու և վարակի հնարավոր տարածումը կանխելու նպատակով:
Նոր կորոնավիրուսի վարակի տարածումը կանխելու և վարակումների դեպքերը բացառելու համար կրկին հորդորում ենք մնալ տանը:
Ձեր կողմից ցուցաբերված բարձր գիտակցության և ինքնամեկուսացման շնորհիվ դուք պաշտպանում եք ոչ միայն ձեզ, այլև ձեզ շրջապատող հարյուր հազարավոր քաղաքացիների կյանքը:
Խնդրում ենք տանից դուրս գալ բացառապես ծայրահեղ անհրաժեշտության պարագայում միայն:
Դուրս գալու դեպքում ցանկացած հեռավորության համար (անգամ նույն բնակավայրում խանութ այցելելիս) պարտադիր կերպով ունենալ անձը հաստատող փաստաթուղթ և Պարետի 2020 թվականի մարտի 24-ի թիվ 16 որոշման հավելվածով ներկայացված ԱՐՏԱԿԱՐԳ ԴՐՈՒԹՅԱՆ ԺԱՄԱՆԱԿԱՀԱՏՎԱԾՈՒՄ ՏԵՂԱՇԱՐԺՄԱՆ ԹԵՐԹԻԿԸ:
Հայտնում ենք, որ վերը նշված թերթիկը կարող է լինել նաև ձեռագիր գրված՝ լրացնելով թերթիկով պահանջվող պարտադիր տեղեկատվությունը:
Արագ արձագանքման թիմի ղեկավար՝ Նորայր Սանթրոսյան:
Հավելվածը կցվում է: