Հարցի քննարկման համար հիմք է հանդիսացել քաղաքացի  Սերգեյ Միքայելի Գալոյանի (ծնված՝ 1981 թվականի ապրիլի 12-ին) Ջրվեժի համայնքապետարանին հասցեագրված 2021 թվականի հոկտեմբերի 11-ի դիմումը, որով ցանկություն է հայտնել օրինականացնելու սեփականության իրավունքով իրեն պատկանող Կոտայքի մարզի Ջրվեժ համայնքի Ջրվեժ գյուղի Այգեգործական տարածք 7-րդ թաղամաս թիվ 16/1 հասցեի բնակելի կառուցապատման հողամասում ինքնակամ կառուցված շինությունները (հիմք՝ անշարժ գույքի նկատմամբ իրավունքենրի պետական գրանցման թիվ 12032018-07-0055 վկայականը, տրված 2018 թվականի մարտի 12-ին, անհատ ձեռնարկատեր Վահագն Սարգսյանի կողմից 2021 թվականի սեպտեմբերի 14-ին կազմված և սահմանված կարգով հաստատված հատակագիծը):

Համաձայն համայնքի կադաստրային քարտեզի և անհատ ձեռնարկատեր Վահագն Սարգսյանի կողմից կազմված և սահմանված կարգով հաստատված հատակագծի պարզվել է, որ Սերգեյ Միքայելի Գալոյանին սեփականության իրավունքով պատկանող Կոտայքի մարզի Ջրվեժ համայնքի Ջրվեժ գյուղի Այգեգործական տարածք 7-րդ թաղամաս թիվ 16/1 հասցեի հողամասում 2020-2021 թվականներին ինքնակամ կառուցվել է թիվ 5, 6, 8, 9 ծածկերը՝ ընդհանուր 106,6 քառ.մետր, թիվ 7 օժանդակ շինությունը՝ 17,6 քառ.մետր,  թիվ 10 պարիսպը՝ 9,4 քառ.մետր արտաքին մակերեսներով։

Ղեկավարվելով Հայաստանի Հանրապետության կառավարության 2006 թվականի մայիսի 18-ի N 912-Ն որոշման 4-րդ կետի, նույն որոշմամբ հաստատված կարգի 10, 11, 13-րդ կետերի պահանջներով և հաշվի առնելով այն, որ Սերգեյ Միքայելի Գալոյանիին սեփականության իրավունքով պատկանող Կոտայքի մարզի Ջրվեժ համայնքի Ջրվեժ գյուղի Այգեգործական տարածք 7-րդ թաղամաս թիվ 16/1 հասցեի հողամասում ինքնակամ կառուցված շինությունների պահպանումը չի խախտում այլ անձանց իրավունքները և օրենքով պահպանվող շահերը, շինությունները կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի և կանոնների էական խախտումներով և չեն առաջացնում հարկադիր սերվիտուտ պահանջելու իրավունք, որոշում եմ.

1.Սերգեյ Միքայելի Գալոյանին սեփականության իրավունքով պատկանող Կոտայքի մարզի Ջրվեժ համայնքի Ջրվեժ գյուղի Այգեգործական տարածք 7-րդ թաղամաս թիվ 16/1 հասցեի բնակավայրի բնակելի կառուցապատման հողամասում ինքնակամ կառուցված թիվ 5, թիվ 6, թիվ 8, թիվ 9 ծածկերը՝ ընդհանուր 106,6 քառ.մետր, թիվ 7 օժանդակ շինությունը՝ 17,6 քառ.մետր,  թիվ 10 պարիսպը՝ 9,4 քառ.մետր արտաքին մակերեսներով, համարել օրինական:

2.Սահմանել, որ հողամասի սեփականատերը.

1)սույն որոշման ընդունման օրվանից 60-օրյա ժամկետում Ջրվեժ համայնքի բյուջեի N 900105228218 հաշվին պետք է վճարի Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաշվարկված 218 436 (երկու հարյուր տասնութ հազար չորս հարյուր երեսունվեց) Հայաստանի Հանրապետության դրամ օրինականացման վճարը.

2)իր միջոցների հաշվին պետք է վճարի կառույցի գույքային իրավունքների պետական գրանցման հետ կապված վճարներն ու տուրքերը։

3.Սահմանել, որ սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում նշված ինքնակամ կառույցը ենթակա չէ պետական գրանցման, իսկ սույն որոշումը համարվում է ուժը կորցրած։

4.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Հուսիկ Գրիգորյանի վրա:

5.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։

6.Սույն որոշումն ուժի մեջ է մտնում՝ Սերգեյ Միքայելի Գալոյանին որոշման ընդունման մասին իրազեկելու օրվան հաջորդող օրվանից: