Խորհրդակցությունը վերաբերում էր համայնքապետարանի ընթացիկ գործունեությանը և սուբվենցիոն ծրագրերի շրջանակներում համայնքի վարչական տարածքում իրականացվող աշխատանքներին:
Քննարկվեցին՝
1. Ընդհանուր բնույթի հարցեր, մասնավորապես՝ -Աշխատանքները հավուր պատշաճի կազմակերպելու համար դիմումներն ընդունել բացառապես մեկ պատուհանում: -Հնարավորության սահմաններում սահմանափակել քաղաքացիների հոսքը առանձին ոլորտները կարգավորող մասնագետների մոտ, վերջիններիս աշխատանքային ծանրաբեռնվածությունը թեթևացնելու և աշխատանքները ժամանակին իրականացնելու նպատակով: -Մակագրված հանձնարարականները սահմանված ժամկետներում կատարել:
2․ֆինանսատնտեսագիտական, եկամուտների հաշվառման և հավաքագրման, ծրագրերի կազմման և համակարգման բաժնին վերաբերող հարցեր. - Հետևողականորեն լինել կառուցված մանկապարտեզների համար գույքի ձեռքբերման աշխատանքներին: -2023 թվականի ընթացքում սուբվենցիոն ծրագրերի շրջանակներում իրականացվելիք աշխատանքների մասին ամփոփ տեղեկատվություն ներկայացնել: -Համայնքի զարգացման հնգամյա և տարեկան զարգացման պլանները բերել վերջնական տեսքի՝ համայնքի ավագանու քննարկմանը ներկայացնելու համար:
3.«Ջրվեժի համայնքային տնտեսություն» ՀՈԱԿ-ին վերաբերող հարցեր: -Աղբահանության գրաֆիկներում կատարել անհրաժեշտ փոփոխություններ: -Ոչ պիտանի աղբամանները փոխարինել արդեն իսկ ձեռք բերված նոր մետաղական աղբամաններով: |