Ղեկավարվելով «Տեղական ինքնակառավարման մասին» օրենքի 13-րդ հոդվածի 10-րդ մասի, 18-րդ հոդվածի 1-ին մասի 42-րդ կետի պահանջներով, հաշվի առնելով այն, որ Ջրվեժ համայնքի Զովք բնակավայրը սպասարկող թիվ 2 ջրհան կայանի խորքային պոմպը վնասվել է, ինչի արդյունքում առաջացել է անհրաժեշտություն հորի ուսումնասիրման լրացուցիչ աշխատանքների իրականացման, և հիմք ընդունելով «Կոտայք» ջրօգտագործողների ընկերության տնօրինության 2023 թվականի հոկտեմբերի 6- թիվ ԳՀ 1-01/447 գրությամբ ներկայացված խնդրանքը՝ հորի ուսումնասիրման աշխատանքների իրականացման նպատակով ֆինանսական աջակցություն ստանալու մասին, համայնքի ավագանին որոշում է.
1.Թույլատրել համայնքի ղեկավարին՝ իրականացնելու ծախսեր բյուջեի «Ընթացիկ դրամաշնորհներ պետական և համայնքային ոչ առևտրային կազմակերպություններին» հոդվածից և «Կոտայք» ջրօգտագործողների ընկերությանը հատկացնել 450 000 (չորս հարյուր հիսուն հազար) Հայաստանի Հանրապետության դրամ գումար՝ Ջրվեժ համայնքի Զովք բնակավայրը սպասարկող թիվ 2 ջրհան կայանի հորի ուսումնասիրման աշխատանքների իրականացման համար:
2.Սույն որոշումն ուժի մեջ է մտնում ստորագրման օրվանից: |