Հարցի քննարկման համար հիմք է հանդիսացել քաղաքացի Քրիստինա Ռոբերտի Պետրոսյանի (ծնված՝ 1977 թվականի օգոստոսի 11-ին) Ջրվեժի համայնքապետարանին հասցեագրված 2022 թվականի մայիսի 16-ի դիմումը, որով ցանկություն է հայտնել օրինականացնելու Ջրվեժ համայնքի Ջրվեժ գյուղի 3-րդ փողոցի թիվ 7/32 հասցեում գտնվող հողամասին կից, իր կողմից փաստացի օգտագործվող, համայնքային սեփականություն հանդիսացող 248,4 քառ.մետր մակերեսով հողամասը և հողամասում իր կողմից ինքնակամ կառուցված պարիսպը (հիմք՝ անհատ ձեռնարկատեր Նարինե Առաքելյանի կողմից 2022 թվականի մայիսի 16-ին կազմված և սահմանված կարգով հաստատված հատակագիծը, ինքնակամ կառույցը Կադաստրի կոմիտեում հաշվառված լինելու փաստը հավաստող ծածկագիր՝ 2022ED5KTS, մուտքագրված 2022 թվականի մայիսի 16-ին):
Համաձայն համայնքի կադաստրային քարտեզի և անհատ ձեռնարկատեր Նարինե Առաքելյանի կողմից կազմված և սահմանված կարգով հաստատված հատակագծի՝ պարզվել է, որ Քրիստինա Ռոբերտի Պետրոսյանը Ջրվեժ համայնքի Ջրվեժ գյուղի 3-րդ թաղամասի թիվ 7/32 հասցեում գտնվող հողամասին կից, իր կողմից փաստացի օգտագործվող, համայնքային սեփականություն հանդիսացող 19,2 քառ.մետր մակերեսով գյուղատնտեսական այլ հողատեսքում և 229,2 քառ.մետր մակերեսով գյուղատնտեսական նշանակության վարելահողում 2020 թվականին ինքնակամ կառուցել է պարիսպ՝ 10,9 քառ.մետր արտաքին մակերեսով (հիմք՝ Կադաստրի կոմիտեում հաշվառման ծածկագիրը՝ 2022ED5KTS):
Ղեկավարվելով Հողային օրենսգրքի 3-րդ հոդվածի առաջին մասի 1-ին կետի, Հայաստանի Հանրապետության կառավարության 2006 թվականի մայիսի 18-ի N 731-Ն որոշմամբ հաստատված կարգի 2-րդ կետի, N 912-Ն որոշմամբ հաստատված կարգի 33, 34-րդ կետերով, 2005 թվականի դեկտեմբերի 29-ի N 2387-Ն որոշմամբ հաստատված կարգի 31-րդ և 50-րդ կետերի պահանջներով և հաշվի առնելով այն, որ Ջրվեժ համայնքի Ջրվեժ գյուղի 07-057-0323-0030 կադաստրային ծածկագրով 19,2 քառ.մետր գյուղատնտեսական նշանակության այլ հողատեսքում և 07-057-0323-0031 կադաստրային ծածկագրով 229,2 քառ.մետր գյուղատնտեսական նշանակության վարելահողում ինքնակամ կառուցված 10,9 քառ.մետր արտաքին մակերեսով պարիսպի պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, նկատի ունենալով, որ ինքնակամ շինությունը կառուցված չէ Հողային օրենսգրքի 60-րդ հոդվածով նախատեսված հողամասերի վրա, ինժեներատրանսպորտային օբյեկտների օտարման ու անվտանգության գոտիներում և քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք, որոշում եմ.
1.Ջրվեժ համայնքի Ջրվեժ գյուղի վարչական տարածքում գտնվող համայնքային սեփականություն հանդիսացող 07-057-0323-0030 կադաստրային ծածկագրով 19,2 քառ.մետր գյուղատնտեսական նշանակության այլ հողատեսքի և 07-057-0323-0031 կադաստրային ծածկագրով 229,2 քառ.մետր գյուղատնտեսական նշանակության վարելահողի նպատակային նշանակությունը փոխադրել բնակավայրի հողերի, գործառնական նշանակությունը՝ բնակելի կառուցապատման հողերի կատեգորիա:
2.Ջրվեժ համայնքի Ջրվեժ գյուղի վարչական տարածքում գտնվող համայնքային սեփականություն հանդիսացող 248,4 քառ. մետր մակերեսով բնակավայրերի բնակելի կառուցապատման հողամասին տրամադրել հասցե` համայնք Ջրվեժ, գյուղ Ջրվեժ, 3-րդ թաղամաս, թիվ 7/33:
3.Ջրվեժ համայնքի Ջրվեժ գյուղի 3-րդ թաղամասի թիվ 7/33 հասցեի համայնքային սեփականություն հանդիսացող 248,4 քառ.մետր մակերեսով բնակավայրերի բնակելի կառուցապատման հողակտորում ինքնակամ կառուցված պարիսպը՝ 10,9 քառ.մետր արտաքին մակերեսով, համարել օրինական և ճանաչել համայնքային սեփականության իրավունքը (կցվում են հողամասի և շինությունների հատակագծերը):
4.Դիմել Հայաստանի Հանրապետության անշարժ գույքի գրանցման միասնական ստորաբաժանում` Ջրվեժ համայնքի Ջրվեժ գյուղի 3-րդ թաղամասի թիվ 7/33 հասցեում գտնվող գույքի նկատմամբ համայնքային սեփականության իրավունքի պետական գրանցում կատարելու համար:
5.Հողամասի նպատակային նշանակության փոփոխությունը պետական գրանցում ստանալուց հետո ընդգրկել համայնքի տարեկան, ընթացիկ հաշվառման և համայնքի հողային հաշվեկշռում:
6.Որոշման կատարման հսկողությունը դնել աշխատակազմի գլխավոր մասնագետ Վահե Սիրականյանի վրա:
7.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։