Ջրվեժի համայնքապետարանի պաշտոնական կայք

27.03.23 ԱՐՑԱԽՅԱՆ 44 ՕՐՅԱ ՊԱՏԵՐԱԶՄԻ ՀԵՐՈՍԸ

Օրեր առաջ Ջրվեժի միջնակարգ դպրոցում տեղի ունեցավ եզդի դպրոցականների մասնակցությամբ միջոցառում՝ ի հիշատակ Ջրվեժ գյուղի բնակիչ, Արցախյան 44 օրյա պատերազմում հերոսաբար զոհված ազգությամբ եզդի Շավո Սամսոնյանի, ինչպես նաև ի փառաբանումն հայ-էզդիական հերոսական բարեկամության:

13.03.23 Հ Ա Յ Տ Ա Ր Ա Ր ՈՒ Թ Յ ՈՒ Ն

Հարգելի քաղաքացիներ «Ջրվեժ համայնքի Ջրվեժ գյուղի մանկապարտեզ» ՆՈՒՀ ՀՈԱԿ-ին անհրաժեշտ են՝1․ Դաստիարակներ Որակավորման պահանջները`նախադպրոցական ուսումնական հաստատության դաստիարակը պետք է ունենա` միջին մասնագիտական կամ բարձրագույն (բակալավր, դիպլոմավորված մասնագետ, մագիստրոս) մասնագիտական կրթություն` համապատասխան որակավորմամբ կամ վերջին տասը տարվա ընթացքում նախադպրոցական կրթության ոլորտում կամ մանկավարժական գործունեության առնվազն երկու տարվա մանկավարժական գործունեության ստաժ: 2․ Երաժշտական ղեկավար Որակավորման պահանջները`նախադպրոցական ուսումնական հաստատության երաժշտության դաստիարակի պաշտոնն զբաղեցնողը պետք է ունենա՝ միջին մասնագիտական կամ բարձրագույն (բակալավր, դիպլոմավորված ... Մանրամասն

09.03.23 ԲՆԱՊԱՀՊԱՆԱԿԱՆ ՇԱՐԺՈՒՄ՝ «ԵՐԿՐԻ ԺԱՄԸ«

2008 թվականից ի վեր Բնության համաշխարհային հիմնադրամի (WWF) հայաստանյան մասնաճյուղի նախաձեռնությամբ Հայաստանում իրականացվում է աշխարհի ամենամեծ բնապահպանական շարժումը՝ «Երկրի ժամը», որը ոգեշնչում և միավորում է միլիոնավոր մարդկանց Երկիր մոլորակի պահպանության համար լուծումներ գտնելու և միջոցներ ձեռնարկելու շուրջ։ Միջոցառմանը մասնակցում է ավելի քան 190 երկիր և 7000 քաղաք՝ մեկ ժամով անջատելով տվյալ երկրում խորհրդանիշ համարվող շենքերի, շինությունների, ինչպես նաև քաղաքների և բնակավայրերի հիմնական փողոցների լուսավորությունը։ Արդեն իսկ ակնհայտ կլիմայական ճգնաժամով պայմանավորված՝ 2023 թվականին մենք նոր շունչ ենք հաղորդելու շարժմանը՝ «Երկրի ժամը» դարձնելով երբևէ կազմակերպվածներից ... Մանրամասն

08.03.23 ՇՆՈՐՀԱՎՈՐ ՄԱՐՏԻ 8

Սիրելի՛ կանայք, մայրեր և աղջիկներ, սրտանց շնորհավորում ենք ձեզ Կանանց միջազգային օրվա առթիվ: Անուրանալի են ձեր դերն ու ջանասիրությունը՝ ուղղված մեր հայրենիքի բարօրությանը, սերունդների կրթադաստիարակչական հսկայական աշխատանքին, արժանապատիվ և ազգային արժեքներով ապրող քաղաքացի կրթելուն։ Թող հավերժ ձեր ուղեկիցը լինեն կանացի անմար հմայքը, անսահման բարությունն ու պայծառ ժպիտը: Շարունակե՛ք սիրո ու հոգատարության սերմեր ցանել՝ միշտ մնալով մեր ազգային ավանդույթների կրողները և ընտանիքների ամրության պահապանները:Սիրելի՛ կանայք, մայրեր և աղջիկներ, ևս մեկ անգամ շնորհավորում ենք բոլորիդ այս գեղեցիկ տոնի առիթով՝ մաղթելով ընտանեկան ջերմություն, բարձր տրամադրություն, մասնագիտական հաջողություններ եւ ... Մանրամասն

07.03.23 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՈՏԱՅՔԻ ՄԱՐԶԻ ՋՐՎԵԺ ՀԱՄԱՅՆՔԻ ԱՎԱԳԱՆՈՒ 2023 ԹՎԱԿԱՆԻ ՄԱՐՏԻ 14-Ի ԵՐԿՐՈՐԴ ՆՍՏԱՇՐՋԱՆԻ ՀԵՐԹԱԿԱՆ ԹԻՎ 3 ՆԻՍՏԻ ՕՐԱԿԱՐԳԻ ՄԱՍԻՆ

ՀՀ Կոտայքի մարզի Ջրվեժի համայնքապետարանի վարչական շենքում (հասցեն՝ ՀՀ Կոտայքի մարզ, համայնք Ջրվեժ, գյուղ Ջրվեժ, Մելքոնյան փողոց թիվ 76) 2023 թվականի մարտի 14-ին, ժամը 17։00-ին կայանալու է Ջրվեժ համայնքի ավագանու երկրորդ նստաշրջանի հերթական 3-րդ նիստը:Օրակարգում՝1. Համայնքի ղեկավարին կից հասարակական կարգով գործող խորհրդակցական մարմինների կազմում ընդգրկվող ավագանու անդամների քանակական և անհատական կազմի մասին:2. Համայնքի ղեկավարին կից հասարակական կարգով գործող խորհրդակցական մարմինների անհատական կազմը հաստատելու և համայնքի ավագանու 2017 թվականի նոյեմբերի 28-ի թիվ 47-Ա որոշումն ուժը կորցրած ճանաչելու մասին:3. Հայաստանի Հանրապետության Կոտայքի մարզի Ջրվեժ համայնքի ավագանու 2022 թվականի նոյեմբերի 25-ի ... Մանրամասն

01.03.23 ՈՂՋՈՒՅՆ ԳԱՐՈՒՆ

Թող գարունն այսօր նոր օրհնանք բերի, Մի նոր ցնծություն Հայ ազգի համար,
Անցյալի բոլոր ցավերը մաքրի, Նոր ճամփա բացի գարունը հիմա:

Պայծառ ու գունեղ, համերաշխ, շքեղ, Նորաշունչ գալիք թող բերի Հային,

Առողջ ու անհոգ, երջանիկ կյանքի Նոր սկիզբ ավետի գարունն այս տարվա:

Ընկած հերոսներն թող ննջեն հանգիստ,Հոգու աչքերով թող տեսնեն նրանք,
Ծաղկունքն է ջնջում բծերն անցյալի, Արև է շողում Հայ ազգիս վրա:

Թող անհոգ լինեն մանուկները ողջ, Թող առողջ լինեն ծնողքը նրանց,
Թող գարունն այսօր օրհնությունով լի Մեր նոր պատմության սկիզբը բերի:

01.03.23 ԿՈՏԱՅՔԻ ՄԱՐԶԻ 2023 ԹՎԱԿԱՆԻ ՊԱՏԱՆԻՆԵՐԻ ՇԱԽՄԱՏԻ ԱՌԱՋՆՈՒԹՅՈՒՆ

Աբովյան քաղաքում փետրվարի 20-ից մինչև 28-ը կայացել է Կոտայքի մարզի 2023 թվականի պատանիների շախմատի առաջնությունը: Ինը օր շարունակ «Աբովյանի շախմատի դպրոց» ՈՒՀ ՀՈԱԿ-ում միմյանց հետ շախմատային մրցակցության մեջ էին Կոտայքի մարզի բոլոր համայնքների պատանի շախմատիստները։

Ջրվեժ համայնքից մրցումներին մասնակցում էին Դավիթ Նահապետյանը՝ ծնված 2007 թվականին, Գևորգ Փաշայանը՝ ծնված 2008 թվականին և Արթուր Վերդյանը՝ ծնված 2011 թվականին։

Ի ուրախություն բոլորիս երկարատև և համառ պայքարից հետո Դավիթ Նահապետյանը հաղթեց և ստացավ հնարավորություն մասնակցելու մինչև 16 տարեկանների Հայաստանի կիսաեզրափակիչ առաջնությանը։

Շնորհավորում ենք Դավիթին և մաղթում նոր հաղթանակներ։

1 2 3 4 5 6 7 8 9 10 ...